影片
更多
2018-09-07
56 瀏覽
喺旺角搵食實在太多選擇了，唔想盲舂舂周圍迫，所以上openrice搵訂枱優惠，呢間街坊cafe有咁多好評，主餐牌仲有5折優惠，唔係唔試呀?!牆上壁畫好有香港地的特色，營造到好街坊，仲播住本地廣東歌，有一種休閒舒服的cafe感覺，隔離左右都係廣東話，差點忘記自己身處旺角。一坐低，侍應有禮貌地介紹白色主餐牌(散叫)有5折優惠，副餐牌上的午市套餐同二人餐就無優惠。選擇十分多，有fusion的蝦子麵同河粉，好有特色，樣樣都好想試，最後我哋叫左午市套餐的鵝肝雞肉意大利飯同澳洲西冷，因為主餐牌係無嘅。澳洲西冷厚身，分量多，好冧，鐵板上岩晒我哋，因為我大肚要食全熟嘅，老公就鍾意生d，所以一上菜就切定部分邊邊的肉，再喺鐵板上煎一煎👍🏻。配菜有茄子、蕃茄仔、豆角、炸薯條，好好味，茄子扒完坑紋再焗，蕃茄仔同豆角分別用香草同蒜茸煮，唔係白灼，食得出用心煮，無揸流攤👍🏻。鵝肝雞肉意大利飯，老公話係堅·鵝肝，煎得岩岩好，粉不太厚，間中淺嚐無咁邪惡，配意大利飯，除左雞肉，仲有蟹籽、紅椒、黃椒、菇片同翠玉瓜，清清地中和鵝肝的罪惡感😋。什菌湯好足料，每啖都充滿菌粒，似食緊什菌蓉多過似飲湯😅，不過味道唔錯。雖然食完兩個
牆上壁畫好有香港地的特色，營造到好街坊，仲播住本地廣東歌，有一種休閒舒服的cafe感覺，隔離左右都係廣東話，差點忘記自己身處旺角。
一坐低，侍應有禮貌地介紹白色主餐牌(散叫)有5折優惠，副餐牌上的午市套餐同二人餐就無優惠。選擇十分多，有fusion的蝦子麵同河粉，好有特色，樣樣都好想試，最後我哋叫左午市套餐的鵝肝雞肉意大利飯同澳洲西冷，因為主餐牌係無嘅。
澳洲西冷厚身，分量多，好冧，鐵板上岩晒我哋，因為我大肚要食全熟嘅，老公就鍾意生d，所以一上菜就切定部分邊邊的肉，再喺鐵板上煎一煎👍🏻。配菜有茄子、蕃茄仔、豆角、炸薯條，好好味，茄子扒完坑紋再焗，蕃茄仔同豆角分別用香草同蒜茸煮，唔係白灼，食得出用心煮，無揸流攤👍🏻。
鐵板燒澳洲西冷
$78
8 瀏覽
0 讚好
0 留言
鵝肝雞肉意大利飯，老公話係堅·鵝肝，煎得岩岩好，粉不太厚，間中淺嚐無咁邪惡，配意大利飯，除左雞肉，仲有蟹籽、紅椒、黃椒、菇片同翠玉瓜，清清地中和鵝肝的罪惡感😋。
鵝肝雞肉意大利飯
$68
13 瀏覽
1 讚好
0 留言
什菌湯好足料，每啖都充滿菌粒，似食緊什菌蓉多過似飲湯😅，不過味道唔錯。
什菌湯
8 瀏覽
0 讚好
0 留言
雖然食完兩個午市套餐已飽飽了，但好想試下呢度的香港地道特色甜品～雞蛋仔，平時食雞蛋仔都係單獨乾啃，所以我哋點左Tiramisu雞蛋仔配雪糕，以預熱的砂窩上，綿花糖外皮焦焦地，入面溶化，好似BBQ👍🏻熱辣辣的雞蛋仔配凍冰冰的雪糕，口感好好，又唔太甜👍🏻。
Tiramisu 雞蛋仔伴雪糕
$68
4 瀏覽
0 讚好
0 留言
特飲「是我的錯」係蘋果+菠蘿，「當我想起你」就係柑桔+藍柑，果味偏淡。
是我的錯、當我想起你
6 瀏覽
0 讚好
0 留言
埋單時侍應還好細心地掃openrice的優惠QR code，甜品有折。
餐廳好有那些年親切的感覺，一定會再來，下次要試埋蝦子麵同河粉🙋🏻。
張貼
