更多
2019-03-05
247 瀏覽
豐盛的新一年。超過60款菜式。如心南灣酒店LIS Café 自助餐【龍蝦。海鮮盛宴】LIS Café 自助餐【龍蝦。海鮮盛宴】到15/3 咋, 要食就快啦~^^~新年預咗肥，咁先叫豐衣足食新年前好多團年飯、公司飯連續食咗好多餐自助餐，但講到最深刻嘅就係如心南灣酒店既【龍蝦 – 海鮮盛宴】自助晚餐LIS Café 大廚以巧手廚藝，創出多款充滿特色的龍蝦菜餚以前可能會覺得好遠，而家有黃竹坑地鐵站之後就好近，Exit B 一出沿天橋行就好快到如心南灣酒店既 LIS Café 環境寬敞舒適, 鍾意佢夠集中，拎嘢食方便啲又唔使行咁遠每張枱同枱之間都有一定嘅距離，令到大家傾計都唔驚隔離枱聽到，最特別係可以坐房間，房間仲可以關門適合賓客們舉辦不同聚會及慶祝如果兩個人嚟食，出晒去拎嘢食都放心啲酒店設計時尚, 裝潢設計以海洋為題, 有好多魚嘅元素酒店餐廳LIS Café全力支持環保海鮮，餐廳團隊每天到可持續發展的漁商新鮮入貨呢度太啱我心意，我帶了父母來食之後再帶了老爺奶奶嚟，又約咗朋友喺度慶祝生日發覺原來次次食都有啲菜式唔同我就總結一次過寫出來同大家分享下【龍蝦 – 海鮮盛宴】自助晚餐供應超過60款前菜
LIS Café 自助餐【龍蝦。海鮮盛宴】到15/3 咋, 要食就快啦~^^~
新年預咗肥，咁先叫豐衣足食
新年前好多團年飯、公司飯
連續食咗好多餐自助餐，但講到最深刻嘅就係如心南灣酒店既【龍蝦 – 海鮮盛宴】自助晚餐
LIS Café 大廚以巧手廚藝，創出多款充滿特色的龍蝦菜餚
以前可能會覺得好遠，而家有黃竹坑地鐵站之後就好近，Exit B 一出沿天橋行就好快到
如心南灣酒店既 LIS Café 環境寬敞舒適, 鍾意佢夠集中，拎嘢食方便啲又唔使行咁遠
每張枱同枱之間都有一定嘅距離，令到大家傾計都唔驚隔離枱聽到，
最特別係可以坐房間，房間仲可以關門
適合賓客們舉辦不同聚會及慶祝
如果兩個人嚟食，出晒去拎嘢食都放心啲
酒店設計時尚, 裝潢設計以海洋為題, 有好多魚嘅元素
酒店餐廳LIS Café全力支持環保海鮮，餐廳團隊每天到可持續發展的漁商新鮮入貨
呢度太啱我心意，我帶了父母來食之後
再帶了老爺奶奶嚟，又約咗朋友喺度慶祝生日
發覺原來次次食都有啲菜式唔同
我就總結一次過寫出來同大家分享下
【龍蝦 – 海鮮盛宴】自助晚餐供應超過60款前菜、熱葷及甜品
幾乎樣樣都岩口味, 而且每次黎都會更換菜式, 縱使新年既連環公司飯都會次次有新款
如心南灣酒店自助餐最得我歡心嘅係有好多湯水
通常自助餐最多都係一紅一白
呢度會有中湯、西湯，同埋老火湯
「潮式鹹菜豬肚湯」暖胃, 冬日飲一流
「南瓜濃湯」
「青紅蘿蔔粟米煲西施骨」老火湯夏沫至愛, 如果唔係要留肚食海鮮
我應該會飲10碗~
「茶樹菇唐排煲雞」呢個都好飲, 用料十足, 隨便一「畢」都是材料
個湯好清甜, 唔會感覺好油膩
「鮮人參鬚煲雞」帶甘味的雞湯, 岩晒老人家補氣提神飲用
以上每款湯夏沫都有飲過, 每次都會有三款湯任選, 每次我都飲飽飽
分別帶了老爺奶奶、父母同好姊妹黎都大讚呢度多湯水, 很不錯
「蟹粥」粥底充滿鮮蟹味道, 細滑鮮美
蟹肉雖然不及長腳蟹吸引, 但見到整件蟹肉在眼前, 總是覺得更物超所值, 哈哈
冷盤有「煙鴨胸」、「煙三文魚」、「豬肉」、「螺肉」、「芝士」
「綠茶麵」、「蕎麥麵」
炸物有日式炸豬扒, 同樣非常受歡迎, 這張相拍完之後回來夾, 已餘下兩三件而已
所以大家見到要夾左先啊~
食自助餐當然唔少得海鮮
「冰島大蝦」爽口彈牙好正
主打「冰鎮海鮮波士頓龍蝦」肉質鮮嫩彈牙的龍蝦最受歡迎
「阿拉斯加蟹腳」
長腳蟹好新鮮好鮮甜
沙律也有很多款新鮮沙律菜同醬汁
還有壽司、天婦羅和刺身, 甜蝦又大又肥美, 必吃
肉類我試咗「澳洲牛扒」, 都係即叫即煎架~
平時好少食肉嘅我都覺得好味
牛味甚濃，肉質幼嫩，不錯
熱食有勁多選擇
「欖菜蒜泥茄子」
「咖哩雞」、「豬手」
「龍蝦燉蛋」其實係中式蒸水蛋手法蒸熟滑溜水蛋
面層加上以甘荀﹑洋蔥及番茄淆煮而成龍蝦濃汁
頂層再奉上厚肉龍蝦, 中西烹調方法別具創意
「金梅烤骨」必吃，好開胃的金梅味
「翡翠炒臘味」
「咖喱魚蛋」超~級~彈~牙, 而且勁大粒~哈哈~兵兵波咁大
「香草烤羊架」
本來想吃, 轉頭忘記左~哈哈
「香蒜鮮茄龍蝦伴意大利手打麵」龍蝦鉗有少少白蘭地香
再混入茄膏及新鮮番茄煮成濃湯
全人手製造的意大利麵麵質幼滑彈牙, 吃得出師傅的細膩心意
「清蒸大海斑」蒸得恰到好處，肉質非常細滑
建議大家見到大海斑要即刻夾
好快就被清光光，非常搶手
飽肚的有「海鮮炒烏冬」
「黃薑飯」
「和幸咖喱飯」
食食吓突然有個大廚走出來響啷啷
就知道有特別嘅美食
大家紛紛衝出去排隊
每晚只會出一次啊，記得出去排隊啦
今日是如心南灣酒店自家製的「海鮮炒粉」
細細粒好得意，原來好有口感，煙煙韌韌
而且海鮮味勁濃，好好味啊
甜品區直情好似小朋友天地
有好多糖果俾小朋友自己溝
有各式各樣嘅甜品喺櫥櫃
仲有至愛嘅Häagen-Dazs 雪糕
糖水有「紫米椰奶露」
仲有酒店自家製嘅「柚子蜜脆蛋散」
好脆口又唔會太甜
生果有兩款
飲品有「蘋果汁」和「橙汁」
還有各式各樣的茶包、檸檬片提供
食咗幾次終於忍唔住寫分享
大人細路都啱食嘅自助餐值得推介
呢度最開心係, 無論老人家定小朋友都好岩食
Refill 都好快, 不過不一定 refill 同一款菜式, 會輪流供應
四百幾蚊有咁多選擇, 真係物超所值呀~
以上菜式是混合左幾次既相, 所以菜式輪流供應的啊~
每位成人現凡惠顧【龍蝦 – 海鮮盛宴】自助晚餐即可免費獲贈波士頓龍蝦米多或
上湯龍蝦乙客（二選一）；
10-17位賓客惠顧自助晚餐更可獲贈1.5kg斧頭扒或法式燒羊架乙客 (二選一)；
18位或以上賓客惠顧自助晚餐可獲贈1.5kg斧頭扒及法式燒羊架乙客。
LIS Café 自助餐【龍蝦。海鮮盛宴】到15/3 咋, 要食就快啦~^^~
【龍蝦 – 海鮮盛宴】自助晚餐原價:
星期一至四 成人$438 小童及長者$238
星期五至日、公眾假期及其前夕: 成人$458 小童及長者$258
供應時段：晚上6時30分至9時30分
題外話/補充資料：
食咗幾次終於忍唔住寫分享
超過60款菜式, 大人細路都啱食嘅自助餐值得推介
呢度最開心係, 無論老人家定小朋友都好岩食
Refill 都好快, 不過不一定 refill 同一款菜式, 會輪流供應
四百幾蚊有咁多選擇, 真係物超所值呀~
以上菜式是混合左幾次既相, 所以菜式輪流供應的啊~
(以上食評乃用戶個人意見 , 並不代表OpenRice之觀點。)
張貼
