九井食堂 (香港仔中心) (已結業)

喺香港仔中心入面有間CP值高嘅日本餐廳九井食堂。九井雜錦刺身丼：呢個雜錦刺身丼嘅刺身嘅款式眾多，包括有油甘魚，三文魚，牡丹蝦，原粒鮮帶子，三文魚籽，海膽等，分量十足，而最欣賞就係入面嘅三文魚同三文魚籽，佢哋嘅口感爽滑又帶有勁道，賣相味道兼備。呢度仲可以加錢轉套餐，套餐包左味噌湯，沙律同埋茶碗蒸，真係非常豐富。九井日本蠔海鮮鍋：呢個海鮮鍋自己揀湯底，我呢次係揀返左壽喜燒，佢哋嘅湯底調味得宜，唔會太甜或太咸，可以食得到食物原有嘅鮮味，更能帶出海鮮鍋中嘅海鮮鮮味，而海鮮鍋嘅用料都好豐富，分別有蝦，青口。廣島蠔，原粒帶子，魷魚，蟹棒等等，仲有不少嘅配菜，令到湯底更加鮮甜，最啱用嚟配彈牙嘅稻庭烏冬。手卷叫左兩個分別係海膽手卷，軟殼蟹手卷，海膽嘅份量好多，又夠哂鮮甜，而軟殼蟹即叫即炸，大大隻咁拎嚟包手卷，兩個手卷都令人好滿意。