JUST'er Bar & Restaurant

營業中

休息中

臨近聖誕，緊係要約埋三五知己出嚟聚一聚，今年特別有聖誕氣氛，除咗通返關之後人流多咗，又有期間限定廟街夜市，尖沙咀海旁嘅聖誕市集超巨型聖誕樹藝術裝置和閃亮燈飾比大家打卡，帶住滿滿既回憶，我地揀左間特式小酒館和朋友一起慶祝聖誕，交換聖誕禮物🥂😆巴馬火腿|是日鮮果|油炸小章魚八爪魚外皮酥脆，入口Q彈好惹味，今日生果係士多啤梨和菠蘿，好新鮮好甜，巴馬火腿肉質柔軟，好油香好正！法式龍蝦湯一上枱已經超濃香，奶滑的湯底細膩幼滑，配上新鮮的龍蝦肉去熬煮，鮮味十足醬油風海鮮意大利飯海鮮有大蝦和青口，兩款海鮮都好新鮮，蝦頭超多蝦膏好入味！最正係個意大利飯，老細話個汁係佢哋自創，食落口好cream帶點甜味，混合埋海鮮的鮮味，好正好好食！多汁淫蝦肥厚的龍蝦肉質爽口彈牙，味道清甜，蝦味仲好濃郁！再飲啖龍蝦湯，可以提升龍蝦口感和香氣，配埋龍蝦頭的鮮甜蝦膏，好幸福的味道開心果碎慢煮燒羊架配南瓜汁牛油蕃茄我自己唔食羊肉，但朋友就非常喜歡，羊肉入口肉質鮮嫩，好juicy好好食，加左點香草可以減低羊肉的油膩感，更爽滑更正！