有蒸氣 海鮮石鍋專門店 (已結業)

又係肥妹女友帶我四出覓食嘅時候，今次跟埋佢啲飯腳黎到呢間有蒸氣，喺天文臺道再上，叫天文臺圍嘅地舖，聽講好多明星會黎食飯，貪佢門口有得泊車之餘又夠清靜喎我地坐喺卡位，位置都算闊落，我地叫左個套餐，送黑松露蒸蛋，先上個小菜，避風塘茄子粒炸漿一啲都唔厚，香脆嘅表面包住肉厚嘅茄子，而茄子係剛好嘅軟硬度，咬落去juice,配合面頭嘅炸蒜，好香口，係流嘅下酒菜蒸野一一上枱，先係蒸黑松露蒸蛋，睇見個待應放左上去蒸爐，蒸左幾分鐘，又真係熟得幾快，最後加小小黑松露喺面再蒸一蒸，香到震！蛋入口即滑入胃，好似食緊燉蛋咁，唔錯蒸海蝦蒸花甲全部原汁原味，肉厚彈牙，唔使點豉油都有佢原本咸味蟲草花蒸鮑魚，大量嘅蟲草花加喺鮑魚面蒸，唔會好濃味，而鮑鮑嘅鮑味十足，肉質彈牙一定要講小弟最欣賞係扇貝同蟶子，扇貝加左辣椒同蒜蓉，蟶子就蒜蓉，呢外两樣都有粉絲托底，真係好食到震！最後個粥底夠晒綿又唔會過火，仲要吸收晒雞件嘅油同精華，加上南瓜嘅香甜，完滿，好飽！