Grill n More (已結業)

自助燒烤食物質素我唔多講喇，收你二百蚊一位，比d咁嘅質素嘅食物你，佢先可以賺到盡。重點係依間嘢嘅員工同服務。我地係訂位嘅，宵夜時段，一行八人一早到咗等入坐，準備開心食一餐。點知侍應話執埋張檯先，要等等，20分鐘後先入得去。因為宵夜，時間只得60分鐘，我地計都唔傾多幾句，馬上燒烤食物，唔想食唔切啦。諗住遲少少入坐，點都比番補時啦。早15分鐘就提你就快夠鐘，真係搭正就同我講收爐。我地真係未食飽，當然同番佢講因為遲入坐，想食埋依一轉。點知佢話夠鐘要收爐，我梗係火滾啦，大家講道理啫，我話你遲比我入坐，補番時好合理，尤其係燒烤放題，時間唔夠梗食唔切啦........點知佢一於少理，要我地走.............依間嘢我就唔會再幫襯喇，如果大家想食d一般至差嘅食物，仲想一肚氣咁比錢埋單嘅話，歡迎挑戰。