環境: 略嘈，唔係坐得特別舒服但又未係超迫
食物: 先講落單。餐廳有個奇怪規矩，如果一個人嗌咗set dinner，另一個人都只能嗌set。意思係，一係全部嗌set，一係全部散嗌。呢樣嘢menu上係無寫，落單嗰陣先知。隔離枱嗌嗰陣都遇到同樣情況。唔知咁嘅規矩有咩意思。
辣肉腸薯仔蛋餅 - 普通。辣肉腸唔辣無咬口，係普通腸仔就咁一pat sourcream加薯仔蛋餅
軟殼蟹燉飯 - 好似水浸咁但好在個汁都幾鮮甜，唔會太鹹或者好假嘅海鮮味。不過啲飯唔係al dente，係煮唔熟飯嘅硬度。
唔記咩魚 - 賣相真係有啲唔掂。魚肉又唔係嫩，魚味甜味咩都無，雖然個汁幾好食。
炸牛奶麵包配檸檬雪葩 - 西班牙版french toast但完全無肉桂味！！！！我專登上網摷食譜，係要落肉桂但佢完全無...佢話配lemon sorbet...岀面gelato舖頭嘅sorbet會更加好食。檸檬味唔夠所以食落感覺唔refreshing，甚至有啲heavy
