馬祖台灣養生湯麵館 (留仙街) (已結業)

食米線真係食到悶悶地，不外乎譚X派別，雲X香派別，雖然都好鍾意食但係成日食都真係有點悶，難道米線真係咁冇新意思？！今次男朋友知道我鐘意食米線，所以特登帶咗我來馬祖台灣養生湯麵館，一入門口已經聞到好香藥膳味道已經感覺有點期待一望到餐牌就選擇困難症發作，湯底種類繁多，除了湯麵外也有丼飯湯飯可以選擇，小妹左揀右揀最後點了 台灣花膠農場醉雞湯米線，男友就點了 椰子清雞湯米線米線一來到就先飲一飲湯底，花膠雞湯鮮甜帶係有藥膳香，花膠勁大塊同厚身，真係好足料椰子雞湯都不輸蝕，奶白色湯底濃濃椰子香農場雞肉質彈牙嫩滑，不得不講米線都係屬於彈彈粗身款同湯底好夾如果平時食米線食到悶悶地，馬祖台灣養生湯麵館係你唔錯的選擇~