更多
2020-12-18
245 瀏覽
今晚得我同母親大人食飯，母親大人指定話想食台灣菜，於是我就上網search到呢間，跟住做個孝順女（+外賣妹）咁特登搭車去買外賣返屋企。鹽酥雞排滷肉飯（晚市原盅燉湯定食套餐）（走青）$76套餐配上湯浸時菜同埋原盅燉湯，都幾抵食，所以揀左。鹽酥雞排份量超多，佢分開左另一個盒裝住啲雞排，而個盒係比雞排塞滿曬嘅，好抵食。滷肉飯都好大碗，白飯上面滿佈滷肉，都幾香，係邪惡左少少。上湯浸時菜係娃娃菜，有啲菜食下都幾好。原盅燉湯入面有超多雪耳、雪梨同埋肉，超足料，感覺好滋潤，我飲曬同埋食曬啲雪耳。本身唔expect係咁足料嘅湯，以為只會係一碗味精湯加舊豬骨咁，點知原來係咁正嘅湯。滷水豆腐 $8豆腐切成一粒粒，浸滿滷水汁，都唔錯，不過對我黎講鹹左少少。養生清燉牛腩麵（走青）$59有四大件牛腩，牛味足，煮得都幾軟淋，幾好食。麵底有得揀米線或者台灣麵，我好鍾意台灣麵，所以揀左台灣麵。養生湯底有藥材味，但好味。就算外賣係分左湯，我返到屋企之後先將湯倒落啲麵到，但啲麵都好索湯，正。台南手工餡餅 $28/2件味道同生煎包有少少似，係個皮薄啲同埋扁身啲，同埋有少少辣辣啲咁，但我覺得好食。桂花雞翼 $26/3隻有桂花
鹽酥雞排滷肉飯（晚市原盅燉湯定食套餐）（走青）$76
套餐配上湯浸時菜同埋原盅燉湯，都幾抵食，所以揀左。
鹽酥雞排份量超多，佢分開左另一個盒裝住啲雞排，而個盒係比雞排塞滿曬嘅，好抵食。
滷肉飯都好大碗，白飯上面滿佈滷肉，都幾香，係邪惡左少少。
上湯浸時菜係娃娃菜，有啲菜食下都幾好。
原盅燉湯入面有超多雪耳、雪梨同埋肉，超足料，感覺好滋潤，我飲曬同埋食曬啲雪耳。本身唔expect係咁足料嘅湯，以為只會係一碗味精湯加舊豬骨咁，點知原來係咁正嘅湯。
滷水豆腐 $8
豆腐切成一粒粒，浸滿滷水汁，都唔錯，不過對我黎講鹹左少少。
養生清燉牛腩麵（走青）$59
有四大件牛腩，牛味足，煮得都幾軟淋，幾好食。
麵底有得揀米線或者台灣麵，我好鍾意台灣麵，所以揀左台灣麵。
養生湯底有藥材味，但好味。就算外賣係分左湯，我返到屋企之後先將湯倒落啲麵到，但啲麵都好索湯，正。
台南手工餡餅 $28/2件
味道同生煎包有少少似，係個皮薄啲同埋扁身啲，同埋有少少辣辣啲咁，但我覺得好食。
桂花雞翼 $26/3隻
有桂花汁可以自己淋落雞翼上面，桂花汁幾香，我幾鍾意。
芝士奶蓋白桃烏龍茶（走甜少冰）（飲品跟餐減$5）$23
芝士奶蓋幾好味。叫左無糖之後，白桃味好重，又飲到清清地嘅烏龍茶味，幾好飲。
生薑地瓜茶（飲品跟餐減$5）$19
呢個天氣都會想飲熱飲多啲，見到有生薑地瓜茶，諗起可以驅寒，就揀左啦。唔記得叫走甜但呢杯正，好似飲緊蕃薯糖水咁，好味。
張貼
