樂湯雞麵館 x 火鍋 (西洋菜南街) (已結業)

呢間餐廳座位非常闊落，除咗係一間麵館，仲可以揀打邊爐！😳今次我就揀咗嚟打邊爐啦！😆佢嘅湯底選擇都係比較滋補養生，我揀左"招牌花膠魚翅雞鍋", 有半隻大雞，湯底重雞味，仲有好多花膠同唔少魚翅，真材實料😳店員叫我地先飲雞湯，再盛起隻雞叫師傅幫我地斬開，咁就唔會令到雞肉"鞋"晒😍好細心！飲完湯就開始打邊爐，叫左：▶️麻辣海參海參整得夠冧，第一次食麻辣味嘅海參，幾有四川風味🤣▶️Prime牛小排牛嘅花紋好靚，夠晒牛味，口感仲好好！😳▶️響鈴即叫即整，值得等待😳 上碟個陣仲有餘溫，浸幾秒湯底就食得，正！▶️自家製招牌丸餃拼盤D 丸夠晒彈牙，食得出係手打，同出面機製嘅丸完全唔同😍而且佢d 餃仲真材實料，好多蝦肉，性價比高😉▶️刀削麵平時打邊爐真係好少見有刀削麵揀，呢度刀削麵夠晒彈牙！▶️ 自家製圓肉杞子菊花露同朋友share 就岩晒，夠晒清熱，岩晒打邊爐飲😉味道有d 似王老吉！就算打完邊爐都完全唔覺得熱氣，我覺得我好快可以再黎🤣🤣🤣