更多
2021-07-08
1072 瀏覽
又未到晚餐時間，但又好肚餓，咁岩行過太子呢條為食街，於是去呢間小店黎個餃子下午茶。估唔到舖頭細細，下午5點時段都幾多人，咁證明咗有一定受歡迎嘅程度。餃子嘅味道好多，都有成15款！而且配搭好自由，可以煎/湯餃，又可以配唔同嘅湯底，例如：酸辣湯或者椰子海帶先計豬骨濃湯。除咗餃子，餐廳亦都有一啲涼拌嘅小食或者前菜。我就梗係要試晒兩款啦，不過始終要留肚食晚餐，所以最後都只係叫咗七隻餃子。呢個湯餃嘅湯底係海帶椰子雞骨濃湯，無落味精，好健康呢，似屋企煲咁樣，淡淡帶甜味。眼都可以見得出佢每粒餃子都包得好飽滿，皮薄餡靚，入邊嘅餡料脹脹的，真材實料，絕不欺貨。麻辣白菜鮮肉餃一咬開你就會見到有帶辣椒油嘅湯汁濺出來，食落帶有微微嘅麻辣香味，十分過癮。鍾意食辣嘅朋友一定要點呢款。冬菇鮮肉餃除咗香氣四溢嘅冬菇粒，仲有木耳條，所以食落有嚼勁，而且豬肉餡料都可以保持到肉汁。紫衣甘藍粟米鮮肉餃呢個味道有驚喜，見到佢入邊嘅餡料顏色已經好吸引。另外佢個紫椰菜煮完都非常爽口，配襯埋粟米粒爽口彈牙。芫荽鮮肉黃金餃呢一個絕對係邪惡嘅選擇，你可以加錢，就可以加一堆黃金鋪滿喺你嘅煎餃上邊，就係鹹蛋黃呀！我呢一個芫荽控見到，實在好高
餃子嘅味道好多，都有成15款！而且配搭好自由，可以煎/湯餃，又可以配唔同嘅湯底，例如：酸辣湯或者椰子海帶先計豬骨濃湯。
除咗餃子，餐廳亦都有一啲涼拌嘅小食或者前菜。
我就梗係要試晒兩款啦，不過始終要留肚食晚餐，所以最後都只係叫咗七隻餃子。
呢個湯餃嘅湯底係海帶椰子雞骨濃湯，無落味精，好健康呢，似屋企煲咁樣，淡淡帶甜味。
眼都可以見得出佢每粒餃子都包得好飽滿，皮薄餡靚，入邊嘅餡料脹脹的，真材實料，絕不欺貨。
麻辣白菜鮮肉餃
一咬開你就會見到有帶辣椒油嘅湯汁濺出來，食落帶有微微嘅麻辣香味，十分過癮。鍾意食辣嘅朋友一定要點呢款。
冬菇鮮肉餃
除咗香氣四溢嘅冬菇粒，仲有木耳條，所以食落有嚼勁，而且豬肉餡料都可以保持到肉汁。
紫衣甘藍粟米鮮肉餃
呢個味道有驚喜，見到佢入邊嘅餡料顏色已經好吸引。另外佢個紫椰菜煮完都非常爽口，配襯埋粟米粒爽口彈牙。
芫荽鮮肉黃金餃
呢一個絕對係邪惡嘅選擇，你可以加錢，就可以加一堆黃金鋪滿喺你嘅煎餃上邊，就係鹹蛋黃呀！
我呢一個芫荽控見到，實在好高興，你見到佢嘅餡料係貼住餃子邊，真係好足料！煎咗嘅餃子仲香，下出邊外層脆卜卜，入邊嘅肉汁就瞬間爆發出嚟。
我估唔到小店嘅餃子都做得好出色，而且味道多，總有一款你啱你心水。
張貼
