真台客 (已結業)

講真，呢間台灣嘢唔算係好好食，勝在平價大份，選擇多， 湯，便當，麵，蛋餅，珍珠奶茶，甜品，一應俱全。今日落雨就附近搵食，見到門口寫住一蚊鹽酥雞，就決定再食呢間餐廳。叫咗餐牌上面睇落最伏嘅炸鯖魚。結果又還好，條鯖魚都幾大條，肉多，唔算炸到好老，再加埋碟鹽酥雞，都係55蚊，仲有冬瓜茶任飲（好淡味）。雖然唔算好好食，但呢個價錢，去大家樂淨係食到燒味飯，我覺得可以接受啦。平日晚上睇落都唔洗等位，係咁淡既巿道，成街兩餸飯，希望呢間小店可以係路德圍捱得住。