377
70
17
等級2
10
1
是日小女子生日,搵餐廳慶祝既時候見到呢間餐廳長期佔據排行榜之列,所以經openrice訂位試試佢。Book左8:30,門外都有少量客人等候中,都係已訂位既客人。場內座位唔算多,點餐需要自行到點餐處點餐用餐有限時90分鐘食物選擇唔算好多,價錢中等,相反飲品選擇好多同埋好特別,比我感覺餐廳想主力做飲品多d。由於食物選擇唔多,加上是次係慶祝生日為主,所以都選擇左價錢相對較高既食品。我地使用左優惠劵,晚上8:30後食滿$300會送梳乎厘。因為慶祝生日,我地想係梳乎厘上面寫返祝賀字句,此項服務要收$20。野食黎得算快,第一樣上枱既係髒髒紫薯鮮奶。本身係想飲黑糖珍珠鮮奶,但當晚無晒珍珠啦不過好慶幸最後飲左呢杯!一上枱既時候即刻嘩左出聲,真係好靚呀。影完相即刻忍唔住飲一啖先!奶味好滑好濃,係明治鮮奶既功勞紫薯味亦岩岩好,唔會好淡。飲過好多紫薯味既飲品經常都會出現紫薯味唔夠既情況,呢杯絕對無呢個問題,比例岩岩好。面頭既紫薯亦十分甜,呢杯飲品絕對值五星!男友選擇左芝芝巨峰葡萄個底都有唔少提子嫁!味道方面,奶蓋合格,芝士味較濃。巨峰提子汁酸甜比例亦岩岩好,好易入口。惟獨食左幾粒提子都超級酸,可能因為巨峰呢
更多
是日小女子生日,搵餐廳慶祝既時候見到呢間餐廳長期佔據排行榜之列,所以經openrice訂位試試佢。

Book左8:30,門外都有少量客人等候中,都係已訂位既客人。

4 瀏覽
0 讚好
0 留言

場內座位唔算多,點餐需要自行到點餐處點餐
7 瀏覽
0 讚好
0 留言


用餐有限時90分鐘

食物選擇唔算好多,價錢中等,相反飲品選擇好多同埋好特別,比我感覺餐廳想主力做飲品多d。
15 瀏覽
0 讚好
0 留言

18 瀏覽
0 讚好
0 留言
37 瀏覽
0 讚好
0 留言


由於食物選擇唔多,加上是次係慶祝生日為主,所以都選擇左價錢相對較高既食品。

我地使用左優惠劵,晚上8:30後食滿$300會送梳乎厘。

因為慶祝生日,我地想係梳乎厘上面寫返祝賀字句,此項服務要收$20。

11 瀏覽
0 讚好
0 留言


野食黎得算快,第一樣上枱既係髒髒紫薯鮮奶。
本身係想飲黑糖珍珠鮮奶,但當晚無晒珍珠啦

不過好慶幸最後飲左呢杯!
髒髒紫薯鮮奶
$44
6 瀏覽
0 讚好
0 留言

一上枱既時候即刻嘩左出聲,真係好靚呀。
影完相即刻忍唔住飲一啖先!
奶味好滑好濃,係明治鮮奶既功勞

紫薯味亦岩岩好,唔會好淡。
飲過好多紫薯味既飲品經常都會出現紫薯味唔夠既情況,呢杯絕對無呢個問題,比例岩岩好。
面頭既紫薯亦十分甜,呢杯飲品絕對值五星!

男友選擇左芝芝巨峰葡萄
芝芝巨峰葡萄
$46
3 瀏覽
0 讚好
0 留言

個底都有唔少提子嫁!
芝芝巨峰葡萄
$46
4 瀏覽
0 讚好
0 留言


味道方面,奶蓋合格,芝士味較濃。
巨峰提子汁酸甜比例亦岩岩好,好易入口。
惟獨食左幾粒提子都超級酸,可能因為巨峰呢輪唔當造掛,但杯野飲又唔係酸嫁喎,好奇怪😂,所以有少少美中不足。

主食我地嗌左呢間店較出名既龍蝦蟹肉包。
龍蝦蟹肉包配薯角
$178
2 瀏覽
0 讚好
0 留言

好老實,上枱個下真係有少許失望。
因為分量比預期細好多。

包本身無任何醬汁,食落口覺得少少乾。
但亦因為無醬汁所以先食到龍蝦蟹肉既鮮甜。
但食落口就覺得無咩特別,以呢個價錢本身預期會份量多返少少,味道又不算十分驚為天人,所以對佢都有少許失望。

反而薯角幾有驚喜,薯仔味重,仲有灑左少少調味粉,令人食唔停口。

另一道係海膽蟹肉龍蝦汁意粉。
海膽蟹肉龍蝦汁意粉
$188
1 瀏覽
0 讚好
0 留言

又係一道性價比相當不值既主食。
龍蝦汁味道尚可,唔算好出。
蟹肉份量又唔算特別多。
但要有一樣不得不提就係d海膽⋯⋯⋯真係好臭呀!
我真係未食過咁臭既海膽
,就算係放題任食個d都會食到有少少甘甜,呢個我真係要用臭黎形容。
同男友食左一啖,兩個都覺得臭到唔知點形容。
曾經想叫餐廳換過碟,但諗諗下都係唔好麻煩,撥開佢唔好食算。

不過真心,呢碟意粉要$188真係十分不值。

甜品係優惠劵送既原味梳乎厘,另加$20寫左祝賀字句。
原味梳乎厘
2 瀏覽
0 讚好
0 留言

未算係十分出色既梳乎厘pancake,好似有少少過熟,但勝在蛋香味夠。

我無研究餐廳有無最低消費,如果黎飲杯野,傾一陣計都係唔錯既選擇,因為飲品的確好出色。
但食物方面真係有待改善啦
(以上食評乃用戶個人意見 , 並不代表OpenRice之觀點。)
張貼
評分
味道
環境
服務
衛生
抵食
用餐日期
2019-12-30
用餐途徑
堂食
人均消費
$240 (晚餐)
慶祝紀念
生日
用餐優惠
優惠券
推介美食
髒髒紫薯鮮奶
$ 44
芝芝巨峰葡萄
$ 46
芝芝巨峰葡萄
$ 46