第一，，開頭嗌嘢飲可以走冰，到後期就開始唔畀，最多只能夠少冰，但即使少冰，每個職員嘅標準都唔一樣，試過依然好多冰，亦試過冇乜冰，所以好難因應冰量而嗌少甜之類，亦明顯職員冇一個統一標準。
第二，茶飲份量愈來愈少，之前嗌過一次少冰，結果杯嘢飲少咗大約五分一，到今日更離譜，杯嘢飲份量接近得返一半！
其實呢間嘢啲職員成日喺度傾閒偈，我只係一個顧客買完嘢飲就走，唔會理咁多，但當我畀38蚊得到半只有一半份量嘅嘢飲，我覺得店家應該正視返問題！其他茶飲冰會寫明走冰只有8成，但呢間冇，而且每次份量亦唔一樣，本人以後唔會再幫襯！
