沾仔記 (威靈頓街)

南丫島一日遊回程決定喺中環搵食，我哋先去咗食印度餐，由於太晏有啲餐已經沽清，所以朋友推薦轉塲到沾仔記，我哋經過中環街道上見到好多壁畫，我忍唔住手影咗幾張真係好靚呀。

疫情既關係遊客少咗，今次完全唔使排隊，朋友們都話以前都要排隊先食到架。
由於我哋都半飽狀態，大家都決定叫淨雲吞，老實講我係九龍人，好少過海，沾仔記好出名，但我未食，唔好笑，雲吞大大粒，蝦肉彈牙爽口，加埋鹼水味既湯和葱花，最重要一定要加自制辣椒油，真係好正。