紫蝶花 (已結業)

食香港味星馬泰野　*同男朋友食暈全港九*　星期日去左將軍澳，行左去將軍澳中心食晚餐。　呢間餐廳係紫色做主調，櫈係深藍色，幾靚。　餐牌都係紫色，靚！呢到嘢食都唔算貴，我哋二人叫咗個二人餐食。叫左2人套餐b，小食要泰式豬頸肉，主菜揀2個，泰式干炒牛肉河，馬來咖喱牛肋條，馬拉盞炒通菜，2杯嘢飲，凍嘅新加坡奶茶加$4 ，熱檸水。好抵食，$288+$4(凍飲)，就有4餸2嘢飲，喺呢個位置來講，好經濟實惠。泰式豬頸肉小食分量正常，外皮燒得脆，肉又吾會乾，岩我食，差不多7-8成都我食XD。泰式干炒牛肉河呢個就男友食為主，配料有雞蛋，芽菜同第二主角牛肉，牛肉大塊，都有成七八塊。男友話鐘意個味，好夠鑊氣，河粉同配料又炒都好入味，又大碟。馬來咖喱牛肋條呢個我食，因為我鐘意食炆煮既，咖哩吾辣，合港人口味，鐘意食辣加另加辣油，同埋牛肋條煮得好軟熟，又有小小牛筋，索到咖喱入肉，加碗飯撈汁一流。馬拉盞炒通菜廚房夠鑊氣，通菜冇炒到黑晒，又好鬼香，小小辣又惹味，濃味人首選菜。飲埋杯特別既新加坡奶茶，多奶d，甜dd，茶底吾係港式果款，都好飲吾錯。