和氣食堂 (黃大仙中心南館)

營業中

休息中

今日放假陪阿媽去咗黃大仙廟拜神，嚟到黃大仙當然要去我喜歡嘅和氣食堂食嘢，吸引我嘅就係佢哋用料上乘，街坊價錢。溫泉玉子牛油果凱撒沙律，夠份量，有好多牛油果和沙律菜，全部都好新鮮又爽口，上邊打咗一隻溫泉玉子，吉爆後伴均勻食又香又滑，令沙律味道更加豐富。四點刺身盛，三文魚刺身肉質鮮美，油份濃郁。鮮𩶘魚刺身 白身魚肉，肉質爽口。海膽刺身鮮甜，配青瓜食清新又爽脆。珍寶赤蝦好大隻，味道濃郁、肉質爽滑。大阪豬扒丼，像座山般上檯，份量十足，高高在上的是木魚絲和菜絲，下面係厚切的吉列豬扒和蛋，最下係又香又軟熟的珍珠米飯。醬汁用咗沙律醬和燒汁，相當惹味！千回火鳥三隻，即叫即燒，上枱熱辣辣，皮脆肉嫩，而且相當入味！田樂麵豉燒日本米茄子，田樂是日本古老受歡迎的料理方式！ 將茄子塗上特調味噌醬燒烤，口感柔軟又充滿迷人焦香氣 ，清爽少油膩 。藍柑白桃梳打味道清甜可口。熱抹茶鮮奶，奶味香濃，滑滑的口感帶少許抹茶香。