河內越式料理 (村南道)

營業中

休息中

今日晏晝經開大圍，去完朋友屋企，見到呢間越南嘢又心思思入去，確係食過返尋味😋平日成日食牛河，今次決定試新菜式，叫咗一碗順化蕃茄蟹肉扎肉湯檬。味道酸甜，蕃茄味都唔淡，仲有浸鮮香嘅蟹肉味。面頭有唔少拆好嘅蟹肉，一啖湯一啖面再加少許蟹肉，清新之選👍🏻朋友就叫咗河內越式三寶飯，份量十足，有炸得香口嘅雞翼、軟嫩惹味嘅豬扒、再加埋地道風味嘅扎肉，最精華係有甜豉油撈飯，算係大滿足之選。另外小食叫咗兩款，包括成日都售罄嘅蝦餅同埋豬扒，兩者都夠大份。上台同樣熱辣辣，新鮮製作脆卜卜，調味得宜，完全冇急凍感覺，絕對係抵食，值得回購之選👍🏻最後飲品一凍一熱，味道唔會過甜，清甜解膩，當埋糖水都仲得，跟餐叫黎講性價比十足。