半熟工房 (金馬倫道) (已結業)

同朋友喺尖沙咀食飯時講起芝士撻，喺街度行緊戈陣又見到有途人拎住半熟工房紙袋，所以一時興起，決定即刻去睇下係咪真係咁好食!!   好彩去到都係排二十個人左右，所以決定排下啦! 不過喺個地盤隔離排，有點兒那個.......唔洗半個鐘，新鮮滾熱辣嘅芝士撻已經喺我手上!  ...最鍾意佢味道唔太甜，口感嫩滑，撻皮鬆脆，不過芝士味唔算太濃! 試過另一間連鎖西餅集團旗下麵包鋪嘅芝士撻，sour cream嘅味道完全蓋過芝士味道，同半熟工房嘅撻完全係兩回事。其實仲有買半熟芝士蛋糕返屋企歎，但係唔記得影相...不過都係好好味架! 蛋糕超級軟熟，而且芝士味濃! 一次過食兩個先夠喉! 我地一行四人，買到一袋二袋返屋企，好似去旅行shopping 咁，勁誇張!