泰一 (已結業)

今日係西灣河附近返工，因為太肚餓於是求其入左一間餐廳。一睇餐牌見到又有韓國菜，泰國菜，覺得好唔正宗🙀但食落其實幾好味，而且係港島區黎講，價錢尚算適中，五十至六十蚊左右就可以食到午餐啦👍🏻-朋友嗌左香葉肉碎飯有得嗌唔辣，味道偏淡，一啲都唔膩。仲加左8蚊額外加左碗大醬湯，味道清清地，可以解膩，唔錯。我就嗌左冬蔭公湯米線🍜平時去食泰國野，最怕就係味道太辣。今次呢碗冬蔭公湯米線就非常合我心意，微辣偏酸，個種酸令人好開胃，忍唔住要飲曬啲湯😻而配料就冇乜特別。對於我呢個咁鐘意飲湯既人黎講，有靚湯飲就足夠了😽