八蠔吧 (已結業)

男朋友最鍾意食生蠔，但生蠔一定要搵間衛生又有質素保證既餐廳，友人推介左呢一間！生蠔當晚叫咗半打，特別精選以下四款點評：Dooriel creek 蠔味新鮮，帶甜香。Roland Lambert 肉質最飽滿，亦係當晚小編嘅最愛，海水味唔會好重，入口順滑，食完會有蠔香係口腔徘徊。Ostra regal 爽脆中帶滑，海水味同樣比較淡身，肉質屬肥美類型。Gillardeau 蠔殼最細，但卻醞釀着最重嘅海水味，蠔味亦係最濃郁嘅一款。慢煮雞胸肉令人對雞胸肉嘩然嘅一個菜式，外皮煎得香口，不帶一點雞皮嘅脂肪。肉質食得出係雞胸肉個種結實，但實際都好嫩口。拌碟既舞茸、西蘭花苗、酸椰菜花都相當精緻，至於黑松露薯蓉更加係畫龍點睛，綿滑得來帶點芝士牛油香。卡邦尼意粉意粉相對鹹身，幼身彈牙，醬汁非常濃稠，芝士味好重，加上脆卜卜，鹹鹹香香嘅煙肉粒來得特別滋味。士多啤梨慕絲配綠茶雪糕成個甜品主打自家製，慕絲好滑，甜酸度拿捏唔錯，裏面仲有士多啤梨果醬同微量海綿蛋糕，成個口感好清新。至於綠茶雪糕，絕對能夠媲美雪糕名店，入口茶香甘醇，有餘韻，亦都特別欣賞菜式嘅擺盤，加入咗好多食用花，相當精緻。