石屋咖啡冰室

呢個石屋咖啡冰室, 原來係保育而改造成為冰室的, 有露天及室內, 露天唔怕曬因為有太陽遮, 天氣唔熱的話坐出面慢慢嘆杯咖啡都幾好嘅, 但因為我第一次來，見到裏面嘅裝修好懷舊, 一磚一瓦都好特別, 仲有好多舊式嘅海報poster , 而且仲有冷氣, 於是決定坐裏面。

要咗一份全日早餐， 水煮蛋煙三文魚配英式鬆餅， 加多10蚊要咗杯latte。水煮蛋煙三文魚英式鬆餅配咗沙律, 不過個人就唔鍾意佢啲千島沙律醬, 因為我鍾意食黑醋橄欖油。煙三文魚好大塊, 水煮蛋都有流心, 但上枱就一啲都唔熱。其實成件事喺呢個咁舒服咁有特色嘅環境慢慢食早餐係好寫意嘅，所以個人覺得呢度係慢活嘅好地方，食物ok啦 ! 但主打係呢度嘅環境同氣氛。

會latte可能因為復活節嘅關係, 拉花拉咗隻兔仔畀我, 咖啡都香且易入口。

3

水煮蛋煙三文魚英式鬆餅

$55

1

Latte

1

1