四季常餐 (已結業)

今日我親自去買午餐外賣，約11：35am，叫咗一個叉燒蛋飯同一個宮崎牛肉飯， 等咗大概七至十分鐘左右，攞到外賣便走，返到公司發覺原來叉燒蛋飯冇放醬油，即係好好食嘅特別豉油，令到原本好好食嘅叉燒蛋飯大打折扣， 其實當時餐廳都唔係好多人，剛剛完咗早餐時段，侍應都係行行企企好悠閒，但一啲咁少(又常見)嘅事情都會忘記，我 都冇辦法再次行路十幾分鐘去攞返啲鼓油，所以好失望。希望管理層可以多加注意，提醒員工出餐，執餐所需，免得顧客失望。滑蛋叉燒飯雖然冇特別嘅豉油，但雞蛋依然滑溜， 叉燒肥瘦適中 仍然可以。 宮崎和牛燴飯，牛肉不算太多，份量對於一個大食或肚餓嘅人可能略嫌不夠。