更多
2021-07-27
517 瀏覽
琴日行完大尾督嚟咗一間可以帶狗嘅餐廳——meraki🥲間餐廳有個千秋打卡位，不過應該適合細狗多啲。雖然天氣好熱，不過坐戶外都有遮蔭，唔會太熱。佢lunch set包埋飲品價錢都算合理😌我地叫咗一個魚柳包🍔一個all day breakfast飲品叫咗一杯藍莓益力多梳打一杯菠蘿沙冰本身滿心期待嘅菠蘿沙冰（+$24）真係好得人驚，完全無菠蘿味，唔甜同埋唔知點解要落梳打水整個菠蘿沙冰，好淡嘅菠蘿味仲要比梳打水嘅味掩蓋晒。店主知道後主動換咗杯芒果沙冰俾我哋。今次無落梳打水，不過味道都唔岩我口味，雖然睇落芒果顏色好足料，但其實味道好淡，其實如果芒果唔夠甜可以再落少少糖帶返個芒果香出黎。不過店主嘅處事既方法都值得欣賞嘅。反而食物方面就相當唔錯。魚柳包既麵包好脆，魚柳又岩岩炸起，脆得嚟唔油，值得推介。all day breakfast都唔錯，係細份咁少少，但佢所有食物都係高水準，尤其是個滑蛋👍🏻如果嚟食嘅話我建議大家可能叫返凍檸茶呢d簡單飲品會好好多🤣
琴日行完大尾督嚟咗一間可以帶狗嘅餐廳——meraki🥲間餐廳有個千秋打卡位，不過應該適合細狗多啲。雖然天氣好熱，不過坐戶外都有遮蔭，唔會太熱。
佢lunch set包埋飲品價錢都算合理😌
我地叫咗一個魚柳包🍔一個all day breakfast
飲品叫咗一杯藍莓益力多梳打一杯菠蘿沙冰
本身滿心期待嘅菠蘿沙冰（+$24）真係好得人驚，完全無菠蘿味，唔甜同埋唔知點解要落梳打水整個菠蘿沙冰，好淡嘅菠蘿味仲要比梳打水嘅味掩蓋晒。店主知道後主動換咗杯芒果沙冰俾我哋。今次無落梳打水，不過味道都唔岩我口味，雖然睇落芒果顏色好足料，但其實味道好淡，其實如果芒果唔夠甜可以再落少少糖帶返個芒果香出黎。不過店主嘅處事既方法都值得欣賞嘅。
反而食物方面就相當唔錯。魚柳包既麵包好脆，魚柳又岩岩炸起，脆得嚟唔油，值得推介。
all day breakfast都唔錯，係細份咁少少，但佢所有食物都係高水準，尤其是個滑蛋👍🏻
如果嚟食嘅話我建議大家可能叫返凍檸茶呢d簡單飲品會好好多🤣
張貼
