影片
更多
2021-07-25
366 瀏覽
:❌强烈唔建議去食❌溫韾小提示唔鐘意睇負評可以走先 唔洗睇落去，但成餐飯真係一肚氣，唔寫唔安落其實一去到既時候 waiter A同waitress B講帶我地去AA號枱點知Waitress B不斷問「AA號定BB號枱呀？」，又唔俾我地坐低，企左係中間睇你地對答，我地都忍唔住答埋一份：「係AA號枱呀」原來傳說中俾我地個張AA號枱window seat原來已經俾人坐左，其實你直接講就可以啦，唔洗我地夾係中間睇你地研究AA定BB就算你話我地最後對牆個張枱係AA號我地都唔知啦，其實你咁做，諗深一層都知係俾左我地張枱俾人啦😂我地因為生日關係，所以都冇睇價錢直接叫左2個set, 再on top加個Seafood Platter, 再開多支酒慶祝一下點知一樣比一樣失望❌👉🏻鮑魚 冇特別，冇味道，個汁唔知想點👉🏻蝦salad 冇味，salad菜仲有陣up味👉🏻Seafood Platter擺盤似食buffet自己夾都不在話下，我由懂事開始，未食過一個seafood platter係成個platter每一樣野一d鮮味都冇係知道自己食緊一舊野，但瞇埋眼唔知自己食緊咩個隻 (有冇人知我講咩), 佢d dr
❌强烈唔建議去食❌
溫韾小提示
唔鐘意睇負評可以走先 唔洗睇落去，但成餐飯真係一肚氣，唔寫唔安落
其實一去到既時候
waiter A同waitress B講帶我地去AA號枱
點知Waitress B不斷問「AA號定BB號枱呀？」，又唔俾我地坐低，企左係中間睇你地對答，我地都忍唔住答埋一份：「係AA號枱呀」
原來傳說中俾我地個張AA號枱window seat原來已經俾人坐左，
其實你直接講就可以啦，唔洗我地夾係中間睇你地研究AA定BB
就算你話我地最後對牆個張枱係AA號
我地都唔知啦，其實你咁做，諗深一層都知係俾左我地張枱俾人啦😂
我地因為生日關係，所以都冇睇價錢直接叫左2個set, 再on top加個Seafood Platter, 再開多支酒慶祝一下
點知一樣比一樣失望❌
👉🏻鮑魚
冇特別，冇味道，個汁唔知想點
👉🏻蝦salad
冇味，salad菜仲有陣up味
👉🏻Seafood Platter
擺盤似食buffet自己夾都不在話下，我由懂事開始，未食過一個seafood platter係成個platter
每一樣野一d鮮味都冇
係知道自己食緊一舊野，但瞇埋眼唔知自己食緊咩個隻 (有冇人知我講咩), 佢d dressing係芝麻醬，同一d完全冇特別既dressing, 講真，個人覺得，個platter係正係鮮，唔洗咁多dressing都已經好好食
👉🏻mushroom soup
知道佢係自己blend d菇去做
但稀如水，好似蘑菇水一樣，仲有，說好的黑松露係完就食唔到
👉🏻唔知咩白汁浸年糕
普通白汁+洋葱碎浸住d年糕
唔係好明呢個菜有咩用意😂
最後只係食晒d洋葱碎就算
👉🏻 羊膝
全餐飯既亮點
叫做入得口，但佢個薯菜並唔係mashed potato, 係芋頭溶 (what❓), 仲有一舊令我回想車仔麵既白蘿蔔添😂
👉🏻 黑毛豬
Well done既黑毛豬，咁大個女第一次見，, 硬到食唔到，仲要話係自己signature dish, 最後我地係成份冇食到，黎收碟既waitress問我地係咪飽得滯所以唔食，我地都如實講返真係好難食，仲要硬到咁，黑毛豬冇理由咁serve, 佢只答我地：「咁夠唔夠飽架」
就算了， 完全無視我地
我地咁多年以黎，從來冇用過難食黎俾feedback, 只係想講，真係好難食
👉🏻Dessert
拎3碟野 (2個set ➕生日既dessert platter)
埋黎再講句：「邊位生日呀？」，跟住就擺埋黎，點個蠟燭就走開
我見每一枱上dessert, 都係上左枱先開始點蠟燭，其實點著左先上枱真係咁難咩 😂
咁大個女 食咁多次生日飯，都未見過上左枱先黎點蠟燭😂
其實我地咁多年都冇做R野，黑客呢d 行為，成餐飯食左差不多$2,000, 只係覺得俾咁既價錢，但食物係花園餐廳既質數都算不上，不如直接去返花園餐廳條氣會順d 😂
其實我睇裝修，我感覺個老闆想走d有情調路線，但成程係d 好嘈既音樂(Kesha Tik Tok呢d歌類)➕ d staff 好大力既收碟擺碟「ping 拎pong 啦」， 真心咩mood 都冇
好坦白
咁既食物質素➕服務➕環境
花園餐廳好好多😂😂😂
但差不多$2,000食呢d質素
真係唔會有下次
張貼
