Plato Cafe & Bistro (吳松街)

今日嚟佐敦食飯，餐廳位置幾方便，地鐵站3分鐘左右，有好多巴士路線，對面仲有突破書廊，好多好多好書，仲有好鍾意香港既書💛。餐廳有少少休閑風。在OpenRice訂了枱，但接待員一開始搵唔到booking，要開返app俾佢睇。食物選擇唔算多，見午餐幾抵食， OpenRice訂位仲有九折，所以叫咗一個黑松露野菌意大利飯。前菜有沙律同紅湯可以揀，麻醬加生菜加車厘茄，味道正常。黑松露野菌意大利飯令人失望，一上枱已經覺得飯超多野菌好少，食落去淡而無味，沒有忌廉的奶香味，松露味亦非常淡，完全不濃郁，飯的口感亦太熟，沒有中間比較硬身的感覺。當然口感我預左唔會有硬芯，畢竟價錢只係幾十蚊，但無味真係死罪，我吃了幾口就不吃了。凍朱古力叫了少甜，都仍然頗甜，如果不要少甜應該甜到難以想像。雖然說特濃，但也不覺得有特別濃。總體來說，這次的食物非常一般，雖然是黃店，但如果有其他選擇我不會再來。