真味鮮廚 (已結業)

成間酒樓得一個女經理有禮貌 其他員工黑口黑面 皺眉頭 咁多枱 得四五個員工一開始叫咗兩個二人餐 點知無啦啦上咗兩盤要額外加錢嘅象拔蚌刺身 咁我哋當然話我哋冇叫，個侍應阿姐就好燥底咁拎走左，隔咗一陣又返嚟話我有叫。。。跟住成餐飯 我地好似得罪咗呢個阿姐咁，十問九唔應，去到攞豉油，同嗰個阿姐講冇晒蒜蓉，佢竟然行過唔理我哋，扮聽唔到。。。真係痴線，仲衰過澳牛食咗個幾鐘之後，先發現有幾碟食物根本都冇黎，咁當然追佢單啦，最後先拎過嚟，真係唔問就搵你笨。之後叫左兩罐可樂啦，個男經理就拎咗兩罐忌廉，我咪同佢講 我叫咗兩罐可樂囉，佢竟然話返我轉頭話我明明就係叫咗忌廉，真係好服佢哋嘅服務態度！最嬲嘅係，食佢哋個蒸鍋梗係想食底嗰碗粥，竟然揭開之後得一大碗黃色湯，嬲到即刻搵個女經理，佢話真係唔好意思可能落少咗飯。。。總體來講海鮮好食嘅，但服務真係好差好差...