潮福蒸氣石鍋 (已結業)

上星期六一家大細十個人到潮福食蒸汽鍋預祝母親節。一早book左枱，所以唔需要等枱。我地坐好後，男部長好殷勤招待，詳細解釋收費同點填點心紙。雖然話係一個價錢任食，但其實海鮮係幾種揀五款；肉呀，丸呀等等就係填點心紙任食。我地主要揀左鮑魚，龍蝦，蟶子，另加錢叫埋奄仔蟹。人齊後，食物陸續送上，仲有職員熱心幫手放食物落蒸籠蒸同分餸。所有海鮮都好好味，尤其是係最後煮好的粥，勁鮮甜！我食左兩碗。全餐飯都好滿意。如果價錢平d咁就perfect喇！