影片
更多
2022-12-12
257 瀏覽
初時因為碌IG見到介紹，環境又唔錯咁，就膽粗粗book位去試下，都幾大期望。去到我哋上咗樓上嘅tatami座位，上到去侍應表示要我哋除鞋，但真係第一次去呢啲格局嘅地方，所以都唔知埞。但侍應冇帶位，冇乜指示，咁我哋就揀好位坐低除鞋，將鞋放喺座位附近。後來見到，侍應都會幫其他客人放返啲鞋去近樓梯附近嘅鞋櫃，唯獨是我哋兩對鞋冇咁做到。唔知係咪覺得我哋太細個定係我哋著得太「寒酸」，覺得我哋會畀唔起錢食嘢，所以服務冇咁周到😀我哋嗌咗《雪》套餐，同埋燒物拼盤《竹》。嘢食都陸續上枱，我哋每食一道菜都有讚冇彈嘅，尤其是隻生蠔，真係好新鮮，好好食。但到串燒食剩1, 2串嘅時候，侍應都係未上sake。嗰個唯一嘅侍應就一直不斷serve其他嗰3, 4枱客。其中有枱客遲我哋好多先到，但生啤同sake都極快上枱。嗰枱西客要求多多，極之麻煩，個侍應都好貼心咁serve佢哋，不過一直都冇乜點理會過我哋2個。終於叫到侍應幫我哋嘅時候，佢竟然話唔記得咗上🤩佢喺我隔離執枱，都見唔到我哋嘅sake係未上枱。以我做過侍應嘅經驗嚟講，係冇可能唔記得邊枱客未上啲咩，喺隔離枱亦都冇可能望唔到我哋未上sake。所以我哋越食越嬲……啲
去到我哋上咗樓上嘅tatami座位，上到去侍應表示要我哋除鞋，但真係第一次去呢啲格局嘅地方，所以都唔知埞。但侍應冇帶位，冇乜指示，咁我哋就揀好位坐低除鞋，將鞋放喺座位附近。
後來見到，侍應都會幫其他客人放返啲鞋去近樓梯附近嘅鞋櫃，唯獨是我哋兩對鞋冇咁做到。唔知係咪覺得我哋太細個定係我哋著得太「寒酸」，覺得我哋會畀唔起錢食嘢，所以服務冇咁周到😀
我哋嗌咗《雪》套餐，同埋燒物拼盤《竹》。
嘢食都陸續上枱，我哋每食一道菜都有讚冇彈嘅，尤其是隻生蠔，真係好新鮮，好好食。
但到串燒食剩1, 2串嘅時候，侍應都係未上sake。嗰個唯一嘅侍應就一直不斷serve其他嗰3, 4枱客。其中有枱客遲我哋好多先到，但生啤同sake都極快上枱。嗰枱西客要求多多，極之麻煩，個侍應都好貼心咁serve佢哋，不過一直都冇乜點理會過我哋2個。
終於叫到侍應幫我哋嘅時候，佢竟然話唔記得咗上🤩
佢喺我隔離執枱，都見唔到我哋嘅sake係未上枱。以我做過侍應嘅經驗嚟講，係冇可能唔記得邊枱客未上啲咩，喺隔離枱亦都冇可能望唔到我哋未上sake。所以我哋越食越嬲……
啲串燒由熱辣辣擺到凍晒都未上sake，上sake都唔畀sake杯我哋，最後我哋係拎茶杯嚟飲sake。
最後最後佢亦都冇主動上甜品，我哋都費事再等，就自己落去樓下埋單。埋單嗰陣，態度好差咁問我哋：「你哋唔食甜品呀？」，我男朋友即刻答：「唔食喇！」，之後我哋就離開咗。
成餐嘅感覺係，嘢食幾好食都好，侍應唔係對每位客人一視同仁嘅話，成餐飯都會被破壞晒👎🏻
我哋嗌得唔多嘢食唔代表我哋慳住食，只係唔想眼闊肚窄。成世人最憎人哋睇唔起自己，所以餐飯食得好唔開心。
《雪》套餐
$388
22 瀏覽
0 讚好
0 留言
張貼
