稻埕飯店 (K11購物藝術館) (已結業)

攞咗政府嘅消費券， 一家人即刻好 happy 出嚟行下hea下， 經過K11呢間餐廳， 未夠五點， 佢哋做緊下午茶餐， 見佢哋嘅食物圖片賣相都唔錯， 加上唔使等位同埋價錢合理， 所以諗都唔使諗就坐咗入去。 用餐限時75分鐘，今次叫咗個豬手餐、 黑糖鬆餅餐、 椒鹽雞翼餐和臭豆腐。 豬手餐味道可以， 不過全部都係皮， 冇乜肉； 鬆餅不是外脆內軟， 成塊都係脆嘅， 我覺得原因係鬆餅漿落得唔夠； 椒鹽雞翼炸得好脆口， 雞翼入味， 整得幾好； 臭豆腐炸得太脆， 不是外脆內軟， 失去咗豆腐本身嘅質感， 和臺灣食的臭豆腐的水準還有一段距離， 連埋加一食咗三百五十幾蚊。 另外， 這間餐廳是自己 download QR code 自己落單的， 好處是在疫情下可以減少人與人的接觸， 不過個人認為喺K11都算高級嘅商場裏面嘅餐廳， 如果連落單都要自己落嘅話， 就同快餐店完全冇分店， 完全冇customer service。 總括而言， 不會再惠顧。