泰嘟嘟

因為亞女喺呢度學嘢，所以約咗姑姐嚟呢度食生日飯，去到環境比我想像中細，不過坐到特色卡位，都感覺到有一啲泰國嘅感覺。杯嘢飲係跟餐嘅半價，感覺都好足料都幾大杯，跟住叫咗個四人餐可以揀五個餸，我哋揀咗海南雞，炸軟殼蟹咖喱包、烏頭、豬手煲同埋蠔仔炒蛋，每個餸嘅賣相都幾好，而且份量都唔少，仲主動幫我哋影相添，呢一餐都算幾唔錯。