更多
2016-01-22
1165 瀏覽
大約一星期前因為想食蟹刺身，去左呢到食晚飯，我同女友都非常滿意，其他嘢食都唔錯，雖然松葉蟹刺身要成280蚊，加埋一要三舊水，但蟹肉鮮甜，份量充足，蟹膏又肥美又甘香，同之前日本食既蟹刺身唔差太遠，我同女友都食到舐舐脷。於是唔夠一星期，係第二度食完晚飯再黎呢到，淨係叫左一隻松葉蟹刺身當宵夜，我同女友都好期待，點！知！就！出！事！啦！上菜既時候我地都呆一呆，呢舊嘢同上次黎食既松葉蟹刺身係同一樣黎架？首先，下面無冰雪住，連食蟹肉既小叉都無埋，然後蟹膏既粉量得番三份一，得好可憐既一pat仔，蟹腳有一隻係斷開左既，陰陰濕濕咁放係底想蒙混過關。我地有啲不滿，但因為佢拆一隻蟹用好多時間，又就黎閂鋪，如果投訴，都無時間再等另一隻，所以就照食啦，連相都無影，點知愈食愈嬲，食落啲蟹肉入面仲有唔少骨，可能起肉既時候唔小心，一肚氣咁食完，發覺仲比上次少一隻蟹腳！你可能話我小氣係度數有幾多隻腳，但三舊水一隻蟹，少一隻腳等於打劫我30蚊呀！仲唔計成隻蟹咁唔掂。唔知係夜左得番倉底貨，定係個廚係新人，定係臨放工偷懶，但我對千両好失望，咁大間連鎖店，賣既嘢又唔平，對食品既質素竟然咁無要求，其實，你大可以同我講，夜左無哂蟹
於是唔夠一星期，係第二度食完晚飯再黎呢到，淨係叫左一隻松葉蟹刺身當宵夜，我同女友都好期待，點！知！就！出！事！啦！上菜既時候我地都呆一呆，呢舊嘢同上次黎食既松葉蟹刺身係同一樣黎架？首先，下面無冰雪住，連食蟹肉既小叉都無埋，然後蟹膏既粉量得番三份一，得好可憐既一pat仔，蟹腳有一隻係斷開左既，陰陰濕濕咁放係底想蒙混過關。我地有啲不滿，但因為佢拆一隻蟹用好多時間，又就黎閂鋪，如果投訴，都無時間再等另一隻，所以就照食啦，連相都無影，點知愈食愈嬲，食落啲蟹肉入面仲有唔少骨，可能起肉既時候唔小心，一肚氣咁食完，發覺仲比上次少一隻蟹腳！你可能話我小氣係度數有幾多隻腳，但三舊水一隻蟹，少一隻腳等於打劫我30蚊呀！仲唔計成隻蟹咁唔掂。
唔知係夜左得番倉底貨，定係個廚係新人，定係臨放工偷懶，但我對千両好失望，咁大間連鎖店，賣既嘢又唔平，對食品既質素竟然咁無要求，其實，你大可以同我講，夜左無哂蟹啦，唔通我食左你咩。
張貼
