龍鳳號

營業中

休息中

今次係第三次食龍鳳號，前兩次都係一年前午餐食，記得味道唔錯，今晚經過附近諗起又想食，就決定食佢嘅晚市。每次去到都覺得佢中式裝修加少少潮流文化氣息嘅牆好吸引，好難想像到佢係一間出色嘅台式餐廳，食嘢環境方面唔逼同埋乾淨，整體舒服。食物就叫咗古早味魯肉飯，因為之前食覺得個魯肉同汁好好味，魯肉有少少肥肉夠香同埋個汁好夾到啲飯，淨係食魯肉飯都唔會覺得悶，份量適中。另外叫咗鹽酥排骨同埋滷水豆腐，中規中矩，始終魯肉飯太搶眼。嘢飲係烏梅汁同洛神花，酸酸甜甜，唔錯。