利小館 (已結業)

7點15分攞位一行5人，初頭滿心歡喜試下，眼見2人枱同4人枱係咁叫入座都算啦！明明有4人枱同2人枱一齊埋單有吉枱，都唔拍埋枱叫5人枱以上，已經見過兩次咁既情況，之後問叫飛小姐點解唔拍埋枱叫5人枱既飛，佢話要照顧2人枱客，佢地都等好耐，點知咁啱叫2人枱比我睇到張飛，人地7:45攞飛8:00入到，我7:15攞飛8:00入唔到，果然照顧2人枱囉!多過4個人唔好去食啦！同佢理論即刻有枱!職員態度奇差!至於食物方面，冰燒三層肉係推介，但其實只係9粒好似骰仔咁大既燒肉，十分普通唔見突出!之後仲有叫燒銀雪魚，味道ok,但份量太細，我個囝囝只有9個月大，已經一個BB食左一半，可想而知有幾細呢！應該無下次!