坐低叫咗個洋蔥叉燒炒蛋飯
佢差唔多食完咁滯先隊咗兜例湯過嚟
全餐飯最出色估唔到竟然係個例湯
豬骨雞腳花生粟米紅蘿蔔
非常之足料好味有益有健康
阿姐聽我贊到佢碗湯靚佢仲講畀我哋聽絕對冇味精之係畀咗少少鹽
亦都食得出真係冇味精只不過係滾得夠耐所以夠曬入味
你兜就係我本來叫嘅洋蔥青蔥滑蛋叉燒飯
佢唔係畀豉油係畀美極鮮醬汁
雖然有啲鹹但係非常之好食
飽到抽筋食到嘔
另外仲叫咗個再普通不過嘅常餐
沙爹牛肉麵都有少少辣豆沙嗲夠香麵質爽滑彈牙
另外最想一提嘅係佢哋啲服務
如果老闆你睇到呢篇嘢嘅話麻煩你盡量請多兩個人幫手
的而且確你啲嘢好味
但係你完全冇人做嘢落單又冇人落
傳菜有冇人傳
你哋嗰幾個員工已經非常之盡力做得非常之好
但總會有界限
你隔離嗰幾間非常之知名嘅茶餐廳大排長龍
人哋除咗好味之外仲要服務好
你只係得好味服務欠佳
