炉端金 (已結業)

朋友通知這間最近新裝格局，我們一行8人就趕來試新野，285 +20開爐費+10%， 雖然三百幾元，但有鯛魚刺身，原隻珍珠鮑魚，帶子，劍魚，珍寶赤蝦，鴻福堂楊枝金露，movenpick雪糕， 感動起來! 這一刻我好肯定放題之中，係首席第1位!首先睇下盤刺身先:服務員仲好細心，叫我們先食日式order, 因為燒肉要開爐，枱面唔夠位，食完日式再食燒肉，我們見到A-M禁多張紙,必須作出取捨，天婦羅out左，因為怕肥唔食得禁多炸野，刺身珍寶赤蝦，有手指公禁粗，同鮮甜，開頭點左羊架，賣相好似燶燶地，但出奇唔羶，又唔鞋，每人忍唔住追加多次，叫左幾款沙律，炸蠔，炸豚肉，炸麵包蟹一定要食，因為隻蝦真的很大隻很厚肉，仲彈牙添!隻蝦大到一開二，真係好吸引，相片:串燒凡笠貝，燒菠蘿，燒鯖魚，燒雞軟骨，香脆可口，即叫即燒，要等30分鐘左右先到。最後我們開始叫燒肉啦，澳洲和牛，一口牛柳，韓國牛肉，基本係好多牛選擇，喜歡牛的人一定要試，露笋豬柳卷，豬腩仔燒到脆bobo,好好味的，枱面有一樽岩鹽可用來燒肉用，實在超水準的放題，必食之選。