我地三個人，就叫左三個lunch set share 食，黑松露野菌risotto, 牛油果蝦沙律，炸蟹蝦漢堡薯條，本身set 包飲品，見到有好多出邊少見既咖啡，加返差價10元，就試左三杯吾同款既，Purple latte, Cement latte 同 Hojicha latte, 黎到三杯都好靚，款款都吾同顏色，又完全吾同味道，仲要每杯都吾同拉花，好有heart
吾係得個樣吾同，hojicha 就真係好香茶味，亦飲到咖啡味，cement就好濃咖啡，purple 就無咖啡成份，紫薯味香濃，飲到底仲有紫薯蓉，好香甜👍
本來以為份量會好似一般西餐咁細細份，黎到竟然好大份😅。最鐘意個risotto 好好食，好香黑松露味，同埋超多菇菇，正👍
另外個蝦堡，舊炸蝦餅3,4 cm 厚，真係成舊都係蝦，好似除左表面既炸分，中間一d 粉都無，除左蝦都係蝦咁，仲要堅係有蝦味，個包表面脆脆地入邊就好鬆軟，相對薯條雖然個味ok，但我個人比較鐘意食粗薯條😅
個沙律牛油果同d菜好新鮮，爽脆，條條都翠綠，吾會有黃，個柚子汁幾fresh
埋單走左計計下至發覺好似吾洗加一😅😅，吾知係未有折呢🤣，轉晒靚咖啡，每人除番都係around 100, 呢個質素黎講，好抵👍
真心覺得間餐廳小店好有誠意，每樣食物都好滿意👍👍 唯一係可能人多，上食物時等左陣，但都可以接受既，最緊要好食🤣🤣好食等一陣都ok，反正可以同狗狗玩又可以影相打卡😅 臨走見人食虎蝦意粉，隻蝦好鬼大食，好似好吸引，下次要試下先🤣
