陳勤記鹵鵝飯店 (已結業)

午市套餐 E $228滷水鵝片肉涼瓜鹹菜排骨湯沙嗲牛肉炒河粉 午市特餐 配飲品：咖啡、奶茶、檸茶或檸水，轉凍飲 今日同同事在上環見完客開完會，見時間差不多到12點所以決定同同事起上嚟食完午餐再返公司。同事話上環有間幾十年老字號食潮州滷水鵝嘅飯店，我馬上回答：「去尚興定係去陳勤記」。同事二話不說就答我梗係陳勤記啦，其實兩間出品都好好，但陳勤記嘅服務質素就好好多。 兩個人睇完餐牌之後，因為想食 滷水鵝片肉所以就決定叫午市套餐。 滷水磨片肉有滷水豆腐湯底, 滷水好味而且入味就不在話下，而且全碟一塊骨頭都無，唔似一般有滷水磨片買嘅食店，面頭係一塊塊擺放得好靚嘅鵝片肉，下面就係普通嘅侮辱有骨頭有好多肥膏冇乜肉食。沙嗲牛肉炒河粉，夠獲氣，沙嗲味超正，牛肉多沙嗲汁多仲有兩條靚靚芥蘭，可能因為呢啲牛河太好味總係覺得佢好似好細碟唔夠食。總括嚟講，滷水鵝片、老火湯、和炒粉麵都非常之有水準，唯獨是份量比較少，我同女同事一男一女都食唔飽，二百幾蚊嘅午市套餐食唔飽又冇飲品送就好似比較貴左少少。