影片
更多
2014-02-16
1532 瀏覽
今日6個人去食LUNCH, 入到餐廳既時候,當時時間尚早,餐廳唔算有好多人,每枱客坐4人枱,中間隔住左2張2人枱, 變左無辦法安排到6人位置比我地,服務生就話暫時無枱,叫我地係外面等陣,但我地工作關係,LUNCH時間緊逼,同佢講我地趕時間,可唔可以安排一下,移一移位比個6人位我地 。之後我地見到其中有1枱客只有2個人, 但坐住左係2張4人枱既中間, 咁服務生就問佢可唔可以移過隔離一個位, 等我地可以有1張6人位置, 但係個客人完全無唸過要讓我地, 雖則我知道我地唔係大哂既, 但佢移去旁邊1個位, 個張枱都係一張4人枱,唔明點解咁樣都唔可以讓一讓,之後無辦法下,我地坐左1張4人卡位, 好逼 。 以上呢個唔係服務生既問題,而係個客唔肯讓。咁之後我地點菜喇,點菜中有D SET 餐既問題需要問, 但個經理目無表情,好似好唔願意咁答, 仲要落單唔寫低 , 搞到來錯野羅。之後終於有一枱客買單,我地轉左去一張6人枱,同埋ORDER 埋餐飲, 唔知係咪經理係咁樣,搞到員工態度都係咁樣,點餐飲時感覺態度好似好唔願做咁,是是但但 , 求求其其 , 成個過程雖然無實質事情發生過,但感覺服務生態度認真麻麻,令
咁之後我地點菜喇,點菜中有D SET 餐既問題需要問, 但個經理目無表情,好似好唔願意咁答, 仲要落單唔寫低 , 搞到來錯野羅。之後終於有一枱客買單,我地轉左去一張6人枱,同埋ORDER 埋餐飲, 唔知係咪經理係咁樣,搞到員工態度都係咁樣,點餐飲時感覺態度好似好唔願做咁,是是但但 , 求求其其 , 成個過程雖然無實質事情發生過,但感覺服務生態度認真麻麻,令人唔多接受
講完服務 , 到食物質素 。
咖哩豬扒飯 - 同事話OK,咖哩既味道剛剛好,唔會濃烈到漿住左個喉嚨。
香蒜辣椒蜆肉意粉 - 辣辣地, 同事唔豪辣,但又鐘意食蜆肉,所以叫左呢樣,味道唔錯既。
薑絲豚肉飯 - 個豚肉味道好岩我口味,加上D菜我撈埋沙律醬來食,好開胃。
咖哩牛肉烏龍麵 - 麵質好似烏冬咁, 無咩特別,但同事都話味道幾好。
同埋最想講, 熱飲份量都幾少呀。1杯仔,仲要唔係滿既,只有3/2份量。張貼
