Hungry Korean (已結業)

去旺角行街，夜晚突然想食韓國野，就諗起呢到價錢唔貴又好食，所以就二人同行來這裡食飯。一共叫左三樣野食，泡菜腸仔湯，鐵板辣雞肉，芝士紫菜卷，仲有兩罐飲品。紫菜卷無影相，唔太熱，暖暖地都ok。鐵板辣雞肉，好大份，底是菜，上面都是雞肉。唔太辣，食到中間幾甜，應該是本身調味是甜，再加辣醬炒。味道唔錯。泡菜腸仔湯，湯底夠濃。除左腸仔，仲有少量豬肉片同午餐肉，個湯裡面仲有個麵，再跟一碗飯。飲品一罐桃汁，味道唔錯，有少量果粒。一罐類似薑味米汁（唔記得名），一開始飲有d怪，飲落都唔錯。結論是一男一女是食唔哂咁多野，因為腸仔湯有麵有飯，男仔食都夠飽。再加紫菜卷，真係會飽過籠。