河畔強記雞粥海鮮酒家 (已結業)

由於要陪媽咪去寶褔山， 所以順便開車來呢度試下雞粥同乳鴿。一行4人， 餐廳冇咩人， 叫左個4人餐加黃金鮮魷。雞粥的份量好多， 4個人每人食到2碗半粥， 雞的份量都算多， 粥都夠綿， 但好明顯係雞同粥唔係一齊煲，應該係只係把白切雞放落白粥加小小雞湯， 所以唔夠正宗。粟米斑塊好一般， 不過份量都算多。反而個梅子骨好好味， 酸酸甜甜， 很入味， 而且香口， 送飯一流。黃金鮮魷十分失望， 咸蛋唔夠多， 魷魚唔新鮮， 唔爽口， 肉質太淋。乳鴿， 十分好食， 係全餐最好食的， 上枱時熱辣辣， 炸得香脆， 又大隻唔係B B鴿， 肉多， 食到停唔到口， 要叫多隻!