金龍

營業中

休息中

今晚同屋企人去東涌東薈城新開嘅「金龍」港式牛扒餐廳試吓，四個人叫咗唔同嘅扒：兩份牛柳、一份西冷同埋一份封門柳，點知食完真係有啲失望。首先講牛柳，真係好鬼韌，完全冇牛嘅香味同肉汁，食落去仲覺得比大家樂嘅牛扒差，令人好失望。西冷就勉強OK，茶餐廳級數，肉質偏乾，但至少仲有DD牛味，勉強知道自己係食緊牛扒。至於封門柳，嗯…真係無話可說，伏囉。另外牛扒半碟上嘅薯菜，份量少得可憐！每碟得一條菜、兩粒車厘茄同大約五條薯條，簡直係「珍貴」得令人震驚，感覺完全唔值呢個價，如果想食餐包以及餐湯等等仲要加$28，真係寧願食Outback。不過，餐廳嘅環境同服務都唔錯。坐位闊落，坐得幾舒服，服務員態度亦都OK，算係可圈可點。可惜，食物嘅質素真係拉低咗整體體驗，應該唔會有下一次光顧嘅打算。