更多
2017-10-03
1981 瀏覽
同男友去佐敦睇婚宴場地，睇完經過 bigger burger cafe, 見店鋪裝潢好有格調，加上我地好耐無食漢堡，所以決定入去一嚐。店鋪環境暗淡，牆壁掛滿唱片，而檯用咗貌似東歐圖案磁磚拼貼而成，令人感覺浪漫、舒適。餐牌除左唔同款式既漢堡外，仲有意大利飯面或扒類供應，都好多選擇。但個店名寫明bigger burger,當然黎到一定要叫burger 啦，同男朋友每人叫左一個。小食方面叫左個芝士焗蟹肉大烤菇大菇上混入了絲絲蟹肉，清甜不膩口，蟹肉非常鮮甜，烤菇不會太過乾身，大菇依然香嫩多汁，非常好吃，但菇既size頗細，食唔夠喉🤣2份漢堡餐會配上新鮮沙律，沙律搭上酸酸甜甜既醋，非常開胃。雙層安格斯牛漢堡勁大個漢堡呀🙈🙈連男友見到都嘩一聲，份量超十足，連男友最後都食唔哂😝外層軟包輕脆，安格斯牛有2大塊，超厚而肉質嫩滑，好 juicy ，肉既熟度岩岩好，肉質帶粉紅，加左塊菠蘿片，菠蘿非常清甜，中和了肉既膩感。藍芝士煙肉安格斯漢堡同雙層安格斯一樣，肉係超嫩超多汁，夾埋脆香惹味既煙肉，加上用藍芝士醬調味，芝士味香濃得宜，再配上新鮮番茄同火箭菜，口感一流，唔會覺太膩，愛芝士既人必試。加$25轉左酸忌廉
餐牌除左唔同款式既漢堡外，仲有意大利飯面或扒類供應，都好多選擇。但個店名寫明bigger burger,當然黎到一定要叫burger 啦，同男朋友每人叫左一個。
小食方面叫左個芝士焗蟹肉大烤菇
大菇上混入了絲絲蟹肉，清甜不膩口，蟹肉非常鮮甜，烤菇不會太過乾身，大菇依然香嫩多汁，非常好吃，但菇既size頗細，食唔夠喉🤣
2份漢堡餐會配上新鮮沙律，沙律搭上酸酸甜甜既醋，非常開胃。
雙層安格斯牛漢堡
勁大個漢堡呀🙈🙈連男友見到都嘩一聲，份量超十足，連男友最後都食唔哂😝
外層軟包輕脆，安格斯牛有2大塊，超厚而肉質嫩滑，好 juicy ，肉既熟度岩岩好，肉質帶粉紅，加左塊菠蘿片，菠蘿非常清甜，中和了肉既膩感。
藍芝士煙肉安格斯漢堡
同雙層安格斯一樣，肉係超嫩超多汁，夾埋脆香惹味既煙肉，加上用藍芝士醬調味，芝士味香濃得宜，再配上新鮮番茄同火箭菜，口感一流，唔會覺太膩，愛芝士既人必試。
加$25轉左酸忌廉煙肉薯條，薯條炸得好脆口，而且炸得夠乾身，冇油淋淋嘅感覺，而酸忌廉份量不少
醬汁夠豐富，夠清新。
張貼
