🔹鮟鱇魚肝$138
鮟鱇魚肝用左醬油去煮製，鹹味會相對重少少🤏但食落超級軟滑，慢慢溶化係口中，又吾會有腥味。
🔹秋刀魚刺身$168
熟既秋刀魚就食得多，刺身秋刀魚你又食過未？第一次試既我真係非常驚喜🙊秋刀魚點埋個蔥豉油食，完全提升左個鮮味，令到佢本身既腥味都吾會咁重。
🔹日本真蠔（2隻）$156
有手掌✋🏻咁大隻，望上去超肥美、又夠光澤新鮮，上面仲加左柚子啫喱同蔥花做點綴。入到口海水味十足，好滑身又夠飽滿，真係超鮮甜美味，值得推介👍🏻
🔹海葡萄蕃茄沙律🥗 $128
睇睇個menu 發現呢到竟然有海葡萄既沙律，真係急不及待要點黎試試佢。海葡萄係日本沖繩既特產，營養價值極高。佢略帶淡淡既鹹味，清新爽口，食起來好清脆，好似魚卵般咁，再配埋新鮮蕃茄同沙律菜🥗，成個組合真係好清新。
🔹鮨一手卷 $98
佢個手卷都幾特別，係長型同用木架盛上，鮨一手卷係呢到既皇牌，有海膽、吞拿魚蓉、三文魚籽，上面再加左少少金箔, 超足料既手卷，食落有好豐富層次既口感，真係超美味😋
🔹鮮帶子海膽手卷 $98
鮮帶子切粒，配埋足料海膽同金箔，賣相好吸睛之餘，味道亦高水準，超級推薦👍🏻
🔹辣味噌煮和牛腹 $98
牛腹肉超腍身，肥瘦適中，味噌味好濃郁，味道入哂落啲牛同蘿白到，再有少少🤏辣味，好惹味😋
🔹什錦天婦羅🍤 $92
天婦羅有海蝦、茄子🍆、南瓜、青椒🫑。炸粉又薄又香脆，好鐘意個海蝦，既爽口又有蝦既鮮味，正！
鮨一日本料理
📍地址：尖沙咀厚福街12號藍馬商業大廈20樓
