炑八韓烤 (已結業)

其實烌八好多時都係我食晏既選擇，因為相對起佢既晚餐，午餐真係抵食好多好多。60蚊左右就有一個lunch set，set入面係包左前菜 湯同埋主食，加8蚊可以飲到特色既梳打飲品，前菜仲要係可以refill既。其實平時既我係食開雞扒蛋包飯既，因為我好鐘意食雞扒同埋蛋 哈哈，但今次想轉一轉口味 試下佢其他既lunch set，所以就叫左個温泉蛋烤五花肉飯，黎到個樣都幾震撼 份量好多，可以食到好飽好飽，五花肉既份量多到可以每一啖飯都有，味道都唔差 係韓國大醬膏既味道 唔算係太辣，所以唔太食辣既朋友都可以試。飲品方面，我每一次都係叫荔枝梳打既，因為我對荔枝係無乜抵抗力既 哈哈。朋友就叫左個柚子梳打，評價都唔差！