芝加哥串燒酒場 (明雲閣)

難得有柴可夫車我入元朗兜風，我哋就順路來咗芝加哥串燒酒場happy hour。😚😚原來日光日白坐係度歎啤酒食串燒都幾歎喔🤣🤣，呢度嘅啤酒happy hour做緊買一送一，我哋叫咗chicago logo beer。我本身唔太好啤酒嘅，因為覺得有啲苦苦地。但店員推薦呢隻啤酒又幾好飲喔😍，飲落係有陣清甜嘅感覺，好舒服😚😚，配串燒一流啊，好啱女仔飲。呢度最令我驚喜嘅係有好多好特別嘅串燒食，估佢唔到竟然有燒魚泡😂😂😂，玩到咁刁鑽，點夠你來啊～😂😂😂 仲有燒淮山，燒龜苓膏😂😂😂，有無諗過食串燒都可以清熱解毒啊？呢度幫到你啊～🤣🤣🤣老老實實，個燒淮山真心好好食，我差啲想order十串啊😂。佢哋除咗下火嘅串燒，肉類都好出色咖😉 特別係燒乳豬、燒白鱔、燒紙鶴雞皮…呢啲係必點咖😍。估唔到乳豬用串燒方式來燒都可以好好味，即叫即燒，上枱即食，果種鬆脆感真係一試難忘啊～😍😍😍 呢度嘅白鱔除咗有平時經常食到款式外，仲有一款叫無骨白鱔，係咪聽個名都開心呢～😚😚啖啖肉嘅脆皮白鱔，入口爆汁，充滿香味～😍😍真係好開心咖～紙鶴雞皮燒到好似豬肉紙咁又薄又脆，好香口，一啖啤酒一啖雞皮好滿足～😍😍😍下次可以揀宵夜時間過來啤一啤