王林記潮州魚蛋粉麵

途經環翠邨，見到王林記在商場內開了分鋪，反正要食lunch，於是一試。粉麵價錢公道，出面好多鋪頭都已經做唔到。餐牌上除左粉麵，仲有蒸飯，仲有魚唇麵同魚肚麵，出面好少見到，幾特別。點了魚蛋粉，$33都幾大碗，抵食。朋友要了牛筋丸撈粗，好有牛味。另叫了清湯腩同蘿蔔，蘿蔔浸湯好甜，都切得幾大舊。牛腩好“稔”又唔肥膩，覺得仲好食過筲箕灣老鋪個ｄ。個鋪好新好乾淨，坐得舒服，想食餐安樂茶飯的話，呢度都應該係一個唔錯嘅地方。