呢度嘅嘢食主打冇味精冇雞粉冇任何添加劑，係家的味道，健康又好食！
招牌南乳豬手河粉，配四隻韮菜鮮肉餃蒸餃，加一杯豆漿 $68。
南乳豬手真係入口即化，豬手炆得好腍，南乳味道濃郁，河粉吸晒豬手嘅精華。而韮菜鮮肉餃蒸餃皮薄餡靚，咬落去汁多味美。豆漿亦都好香濃，唔會太甜。
BBQ雞翼3隻配生菜，豆漿 $35。
BBQ雞翼外面醬汁非常惹味，雞肉嫩滑，配埋新鮮嘅生菜，清新又解膩，健康得嚟又唔會覺得清淡得濟，好鍾意呀！
香煎蓮藕餅（三塊）$48。
蓮藕餅煎得金黃香脆，內裡嘅蓮藕同豬肉餡料相當豐富，食落好有層次，味道鮮美，非常推薦！
