影片
更多
2007-07-21
7 瀏覽
其實我係食完上來先見到其他食友既評語, 先知道呢度原來真係咁差...話說尋晚同老公睇完醫生約埋好友打算去食飯, 因為見未試過呢間野, 又好似見好多卡位, 於是就未算好多人時入座, water安排坐到樓梯下面果個卡位, 老實講, 好迫同頂頭, 不過算啦, 旺角吋金呎土, 快趣食完就打算走.餐單望上去好似價錢可以接受, 但計返條數其實都幾貴: 我叫左餃子叉燒拉麵($3x), 好友叫鴨胸鵝肝便當($4x), 老公叫左咖哩豬排飯($3x), 加$12可以跟餐有餐湯(連飽)或蟹籽沙律+ 2片三文魚或甜蝦+ 飲品. 另外餐可以以$12一律加任何小食, 所以又叫左炸生蠔, 炸蝦同白汁焗西蘭花.蟹籽沙律- 青瓜絲切得好粗, 好少蟹籽, 不過都預左, 我都只係食左一兩啖, 冇咩特別餃子叉燒拉麵- 炸餃子冇咩料, 食落其實都食唔到係咩味, 雖然係炸既, 不過都浸到淋晒, 叉燒有2片, 好淋, 都幾入味, 算食得入口, 但拉麵就好似公仔麵味, 但個湯底又好淡, 所以唔吸引, 我食左幾淡就冇食啦鴨胸鵝肝便當- 賣相好似幾靚, 朋友話鴨胸鵝肝都ok既, 只係真係唔多覺有鵝肝咖哩豬排飯- 老公一向鐘意食咖哩豬排飯
話說尋晚同老公睇完醫生約埋好友打算去食飯, 因為見未試過呢間野, 又好似見好多卡位, 於是就未算好多人時入座, water安排坐到樓梯下面果個卡位, 老實講, 好迫同頂頭, 不過算啦, 旺角吋金呎土, 快趣食完就打算走.
餐單望上去好似價錢可以接受, 但計返條數其實都幾貴: 我叫左餃子叉燒拉麵($3x), 好友叫鴨胸鵝肝便當($4x), 老公叫左咖哩豬排飯($3x), 加$12可以跟餐有餐湯(連飽)或蟹籽沙律+ 2片三文魚或甜蝦+ 飲品. 另外餐可以以$12一律加任何小食, 所以又叫左炸生蠔, 炸蝦同白汁焗西蘭花.
蟹籽沙律- 青瓜絲切得好粗, 好少蟹籽, 不過都預左, 我都只係食左一兩啖, 冇咩特別
餃子叉燒拉麵- 炸餃子冇咩料, 食落其實都食唔到係咩味, 雖然係炸既, 不過都浸到淋晒, 叉燒有2片, 好淋, 都幾入味, 算食得入口, 但拉麵就好似公仔麵味, 但個湯底又好淡, 所以唔吸引, 我食左幾淡就冇食啦
鴨胸鵝肝便當- 賣相好似幾靚, 朋友話鴨胸鵝肝都ok既, 只係真係唔多覺有鵝肝
咖哩豬排飯- 老公一向鐘意食咖哩豬排飯, 但佢話未食話咁唔好食既咖哩豬排飯, 一來咖哩唔香, 二來豬排炸得好差, 一路食佢一路吵, 最後佢冇食晒仲食左我碗拉麵tim!
炸生蠔- 得2粒, 都幾大粒, 我冇食, 但老公同朋友都話好好好腥, 佢地只係咬左一口就冇食放低, 我坐隔離都真係嗅到好腥既味
炸蝦- 得2條, 我地cut開每人少少咁食, 算正常, 冇咩特別, 都叫幾大條
白汁焗西蘭花- 一般貨色, 西蘭花焗到好淋, 都唔似食緊原有果種質感, 不過可以點?
朋友最後冇加錢叫凍檸茶, 我同老公就用半價飲金吉檸檬雜飲同青蘋果乳酸
金吉檸檬雜飲- 一般, 唔難飲但飲唔到檸雜味, 似係一般街賣果D再加冰, 不過我都飲晒成杯
青蘋果乳酸- 老公話好難飲, 最大問題佢冇預料到杯野唔係酸酸地而係甜既!!
一路都爆晒場, 真係唔明點解咁多人食, 唔通佢地好似我地咁咩都唔知盲中中入左食先知唔掂? 食完都坐低傾左一陣, water們都好快手收好野, 但都冇話吹我地走, 埋單時$226 (連加一), 冇諗過食埋咁既野到最後加呢樣果樣都要呢個價, 又係果句: 冇下次law
張貼