更多
2020-10-23
472 瀏覽
食在當下, 人生該放肆的時候, 應該盡情放肆, 今日黎為食友介紹的尖沙咀火鍋新店新辣道魚火鍋打邊邊, 一於入冬前儲糧, 食盡佢!食店非常寬敞, 座位與座位之間都有一段距離, 座位坐得舒服, 食店樓底高冇咁焗促, 通風very good, 食完衣服完全冇麻辣火鍋味多款湯底有辣有唔辣, 最吸晴還是那3個拼盤。睇下餐牌有乜食先.......價錢好ok喎, 海鮮拼盤只賣$88, 仲免茶醬。竹蔗茅根精($28）打邊爐比較燥熱, 飲竹蔗茅根可以滋潤喉嚨兼有清熱嘅作用, 加埋紅蘿蔔煲, 清甜潤燥, 甜度適中。招牌紅湯加龍躉配莞茜皮蛋 ($198)招牌紅湯即係麻辣湯底, 湯底配滑豆腐及萵筍, 麻辣湯底麻香微辣, 最好系鹹度適中, 食完唔口乾, 辣味亦唔搶喉, 屬於小辣, 適合喜歡食辣但又唔食得大辣的普羅大眾, 如果你自問食得辣嘅話, 可以叫另一款較辣的麻辣湯底呢。另一個湯底系莞茜皮蛋猪骨湯底, 比較清, 適合焯海鮮。有驚喜, 湯底附送的龍躉片竟然咁大碟, 望落有十多片, 仲要係厚切的!龍躉用新鮮貨, 魚肉剔透亮麗。服務員指示, 水滾後龍躉肉焯三分鐘食用是最理想的, 龍躉肉肉質結實爽彈, 最愛那片帶
食店非常寬敞, 座位與座位之間都有一段距離, 座位坐得舒服, 食店樓底高冇咁焗促, 通風very good, 食完衣服完全冇麻辣火鍋味
多款湯底有辣有唔辣, 最吸晴還是那3個拼盤。
睇下餐牌有乜食先.......價錢好ok喎, 海鮮拼盤只賣$88, 仲免茶醬。
竹蔗茅根精($28）
打邊爐比較燥熱, 飲竹蔗茅根可以滋潤喉嚨兼有清熱嘅作用, 加埋紅蘿蔔煲, 清甜潤燥, 甜度適中。
招牌紅湯加龍躉配莞茜皮蛋 ($198)
招牌紅湯即係麻辣湯底, 湯底配滑豆腐及萵筍, 麻辣湯底麻香微辣, 最好系鹹度適中, 食完唔口乾, 辣味亦唔搶喉, 屬於小辣, 適合喜歡食辣但又唔食得大辣的普羅大眾, 如果你自問食得辣嘅話, 可以叫另一款較辣的麻辣湯底呢。另一個湯底系莞茜皮蛋猪骨湯底, 比較清, 適合焯海鮮。
有驚喜, 湯底附送的龍躉片竟然咁大碟, 望落有十多片, 仲要係厚切的!
龍躉用新鮮貨, 魚肉剔透亮麗。
服務員指示, 水滾後龍躉肉焯三分鐘食用是最理想的, 龍躉肉肉質結實爽彈, 最愛那片帶透明狀的龍躉皮及魚脂, 甘香軟滑, 充滿骨膠, 拈幾滴豉油已經好正
肉類拼盤 ($88)
新辣道無論系海鮮拼盤或是肉類拼盤都係咁吸引, 最吸引係抵食, 肉類拼盤有松阪豬, 一口牛粒, 肥牛及羊片, 頗有睇頭。
肥牛 ~ 麻辣湯底很適合焯肥牛, 香香辣辣的肥牛, 幾肥都唔多覺, 越食越想食!
羊片 ~ 騷香軟滑
一口牛粒 ~ 脂肪分佈較平均, 甘香油滑。
松阪豬 ~ 師傅切肉刀工一流, 每條松阪豬肉側都附帶一小片肥肉, 松阪豬肉肉味較濃, 肉質爽口, 連那片連住的小肥肉都係脆而不膩, 用清湯焯完拈少許豉油及蒜蓉伴吃好正, 松阪豬都幾好食, 口感有啲似豬頸肉, 但又冇豬頸肉咁油膩及肉味濃啲, 值得推介
海鮮拼盤 ($88)
海鮮拼盤今日有大蝦兩隻, 廣島蠔四隻, 扇貝兩隻, $88 唔叫夠兩盆都對唔住自己
廣島蠔色澤光亮, 仲要係脹卜卜, 大大隻的。
用清清地既莞茜皮蛋湯底最適合, 蠔肉爽脆鮮甜, yummy
大蝦 ~ 蝦肉甜而爽口, 很新鮮。
扇貝 ~ 夠大隻, 焯完縮咗水都仲有啲睇頭, 扇貝肉係乾瑤柱嘅前身, 鮮味十足!
墨汁墨魚滑 ($79)
內有粒粒爽口彈牙墨魚粒, 墨魚汁嗰種特別嘅似腥非腥鮮甜味道有別於其他海鮮, 加上墨魚粒, 口感同味道皆可。
鮮蝦雲吞 ($59)
食材新鮮, 取價合理, 服務周到, 今時今日做到咁嘅價錢及質素, 值得支持! 希望繼續保持到食材嘅質素, 疫情過後, 食店便能發光發亮了!
張貼
